పొగ మంచుతో జరభద్రం

Smoke is covered with snow
Smoke is covered with snow

రహదారులకు కమ్మేస్తున్న మంచు
సిరి న్యూస్/ గుమ్మడిదల
రహదారులను పొగ మంచు కమ్మేస్తున్నది. గురువారం ఉదయం ప్రధాన రహదారి పైన పారిశ్రామికవాడలో ఉదయం నుండి పొగ మంచు కమ్మేయడం వలన వాహనదారులు కాస్త ఇబ్బంది ఎదుర్కొన్నారు. ప్రయాణం కష్టంగా మారింది. మంచు తెరను చీల్చుకొని వాహనదారులు రోడ్డుపైన ప్రయాణం చేయడంతో ప్రమాదంతో కూడిందని వాహనదారులు అంటున్నారు. వర్షాన్ని తలపించే విధంగా మంచు ఏర్పడింది. ఉదయం 9 గంటల వరకు కూడా మంచు కమ్ముకొని ఉంది. ప్రధాన రహదారుల గుండా మంచు కమ్మేయడంతో ప్రమాదాలు జరిగే అవకాశాలు ఉన్నాయి. ప్రయాణికులు ఎదురుగా వస్తున్న వాహనాలను గమనించి పోవలసిన అవసరం ఎంతైనా ఉంది. మండల కేంద్రమైన గుమ్మడిదలలోని పారిశ్రామిక వాడలో మంచు పడుతున్న విషయాన్ని అనువుగా తీసుకొని పరిశ్రమల నుండి వాయు కాలుష్యాన్ని బయటకు వదులుతున్నారు. దీంతో పొగ మంచుతోపాటు వాయు కాలుష్యం పొగతో నిండిపోవడం వల్ల ప్రధాన రహదారి గుండా పోయే వారికి తీవ్ర ఇబ్బందులు ఎదురవుతున్నాయి. గ్రామాలలో పొగ మంచు ఇండ్లను సైతం కమ్మి వేసినది. వాహనదారులు పొగ మంచు విషయంలో కాస్త జాగ్రత్త తీసుకొని రోడ్డుపై ప్రయాణం చేయవలసిన అవసరం ఎంతైనా ఉంది