సిరి న్యూస్ అందోల్ : హెల్త్ ఎడ్యుకేషన్ & మీడియా ఆఫీసర్స్ వ్యాధుల, చికిత్స ల పట్ల ప్రజలకు అవగాహన కల్పించడంలో కీలక పాత్ర. హెల్త్ ఎడ్యుకేషన్ ద్వారా ప్రజలకు ప్రభుత్వం చేపట్టే కార్యక్రమాలను బాధ్యతతో ముందుకు తీసుకెళ్లాలి.మీడియా ఆఫీసర్స్ ల క్యాలెండర్ ఆవిష్కరణలో మంత్రి దామోదర్ రాజనర్సింహ పిలుపు. తెలంగాణ హెల్త్ ఎడ్యుకేషన్ అండ్ మీడియా ఆఫీసర్స్ అసోసియేషన్ ఆధ్వర్యంలో రూపొందించిన నూతన సంవత్సర దైనిందిని (Dairy), క్యాలెండర్ లను రాష్ట్ర వైద్య, ఆరోగ్య, కుటుంబ సంక్షేమ శాఖ మంత్రి దామోదర్ రాజనర్సింహ హైదరాబాదులోని తన నివాసంలో ఆవిష్కరించారు.
ఈ సందర్భంగా మంత్రి దామోదర్ రాజనర్సింహ మాట్లాడుతూ.రాష్ట్ర వైద్య, ఆరోగ్య, కుటుంబ సంక్షేమ శాఖ ఆధ్వర్యంలో చేపడుతున్న కార్యక్రమాలను ప్రజల్లోకి తీసుకుపోవడంలో, వ్యాధుల, చికిత్సల పట్ల ప్రజలకు అవగాహన కల్పించడంలో మీడియా ఆఫీసర్ల పాత్ర ఎంతో ముఖ్యమైనదన్నారు. హెల్త్ ఎడ్యుకేషన్ ద్వారా ప్రజలకు వైద్య ఆరోగ్య శాఖ చేపట్టిన కార్యక్రమాలను బాధ్యతతో ముందుకు తీసుకెళ్లాలని మంత్రి పిలుపునిచ్చారు.
తెలంగాణ హెల్త్ ఎడ్యుకేషన్ అండ్ మీడియా ఆఫీసర్స్ అసోసియేషన్ అధ్యక్ష కార్యదర్శులు కొప్పు ప్రసాద్, కిరణ్ రెడ్డి, కోశాధికారి తిరుపతిరెడ్డి, సహ అధ్యక్షులు జక్కుల రాములు, ఉపాధ్యక్షులు రామాంజనేయులు, కటకం శంకర్, శ్రీనివాస్, రేష్మ, వెంకటేశ్వర్లు, తదితరులు పాల్గొన్నారు.